काठमाडौं । माछापुच्छ्रे बैंक आर्थिक वर्ष २०८१/८२ को मुनाफाबाट आफ्ना शेयरधनीहरुका लागि लाभांश वितरण गर्ने घोषणा गर्ने पहिलो वाणिज्य बैंक बनेको छ । बैंकको सञ्चालक समितिले उक्त आर्थिक वर्षको वितरणयोग्य मुनाफाबाट ८ प्रतिशत लाभांश वितरण गर्ने प्रस्ताव गरेको हो ।
बैंकको प्रस्तावअनुसार चुक्ता पुँजीको ८ प्रतिशत लाभांश वितरण गरिनेछ, जसमा ४ प्रतिशत बोनस शेयर र ४ प्रतिशत नगद लाभांश (कर प्रयोजनका लागि समेत) समावेश छ । प्रस्तावित कुल लाभांश रकम ९२ करोड ९७ लाख ८ हजार ५८१ रुपैयाँ ८४ बराबर रहेको बैंकले जनाएको छ ।
यो लाभांश नेपाल राष्ट्र बैंकबाट स्वीकृति प्राप्त भई तथा आगामी वार्षिक साधारण सभाबाट पारित भएपश्चात् मात्र शेयरधनीहरुमा वितरण गरिने बैंकले जनाएको छ ।
तपाईंको प्रतिकृया
