सरकारलाई स्वेच्छाचारी नबन्न विपक्षीको चेतावनी

काठमाडौं । सरकार स्वेच्छाचारी बनेको विपक्षी दलले ठहर गरेका छन् । सिंहदरबारस्थित माओवादी संसदीय दलको कार्यालयमा बसेको विपक्षी दलहरूको बैठकले सरकार स्वेच्छाचारी बनेको निष्कर्ष निकालेको हो ।

बैठकले संसद् छलेर सरकारले अध्यादेशहरू ल्याएको विषयमा कडा आपत्ति जनाउँदै त्यसको विरोध गरेको छ । बैठकमा माओवादी केन्द्रका अध्यक्ष पुष्पकमल दाहाल प्रचण्ड ‘प्रचण्ड’, नेकपा एसका अध्यक्ष माधव कुमार नेपाल, रास्वपाका कार्यवाहक सभापति डिपी अर्याल, राप्रपाका बुद्धिमान तामाङ, प्रभु साह, महेन्द्रराय यादव, नारायणकाजी श्रेष्ठ। वर्षमान पुनलगायतका नेताहरू सहभागी थिए ।

विपक्षी दलहरूले संसद्को अधिवेशन चाँडै बोलाउन माग गरेका छन् । माओवादी नेता वर्षमान पुनका अनुसार सरकारले नियमित बैठक बोलाउन अस्वीकार गरेमा विपक्षी दलहरू विशेष अधिवेशन बोलाउन माग गर्न समेत तयार छन्।

बैठकले आगामी दिनमा विपक्षी दलहरूको साझा धारणा बनाउनका लागि एक ड्राफ्ट कमिटी गठन गरेको छ, जसले केही दिनभित्र आफ्नो प्रस्ताव सार्वजनिक गर्ने तयारी गरेको छ ।