काठमाडाैं । धनुषाको धनौजीमा स्कुल बसले किच्दा विद्यालय जाँदै गरेकी एक बालिकाको मृत्यु भएको छ । मृत्यु हुनेमा धनुषाको धनौजी गाउँपालिका–२ को रामजानकी बोर्डिङ स्कुलमा अध्ययनरत्त ११ वर्षीया आरोही कुमारी मण्डल रहेको प्रहरीले जनाएको छ ।
आज बिहान १० बजेतिर बा ३ प ९०६५ नम्बरको जनज्योती बोर्डिङ स्कुलको बसले विद्यालय जाने बेला बालिकालाई ठक्कर दिएको धनुषाका प्रहरी प्रवक्ता डिएसपी बरुणबहादुर सिंहले जानकारी दिए । गम्भीर अवस्थामा उनलाई उपचारको लागि प्रादेशिक अस्पताल जनकपुरमा भर्ना गरिएको थियो ।
उनको उपचारको क्रममा मृत्यु भएको डिएसपी सिंहले बताए । बालिकाको मृत्युपछि आक्रोशित स्थानीयले विद्यार्थीलाई ओरालेर बसमा आगो लगाएका छन् । बस पूर्ण रुपमा जलेको डिएसपी सिंहले बताए ।
तपाईंको प्रतिकृया
