तनहुँमा ट्याक्टर दुर्घटनामा दुईको मृत्यु

काठमाडाैं । तनहुँमा ट्याक्टर दुर्घटना हुँदा दुई जनाको मृत्यु भएको छ। जिल्लाको घिरिङ गाउँपालिका-३, सिलिङमा शनिबार राति ११ बजे ना ६ त ६८६० नम्बरको ट्याक्टर सडकबाट सय मिटर तल खसेको हो।

दुर्घटनामा ट्याक्टर चालक भीमाद नगरपालिका-१ का २६ वर्षीय इन्द्रबहादुर नेपाली र घिरिङ गाउँपालिका-३ का ३६ वर्षीय शुकबहादुर विकको मृत्यु भएको तनहुँ जिल्ला प्रहरी कार्यालयले जनाएको छ।

सिलिङ भन्ने ठाउँबाट घिरिङ बजारमा पराल लिएर आउँदै गरेको उक्त ट्याक्टर दुर्घटना हुँदा घटनास्थलमै उनीहरूको मृत्यु भएको प्रहरीले जनाएको छ।