देउवाको प्रश्न- मदन भण्डारीलाई किन मारियो खोजी गर्न नसक्ने अनि कांग्रेसलाई गाली गर्ने ?

काठमाडौं । प्रमुख प्रतिपक्षी नेपाली कांग्रेसका सभापति शेरबहादुर देउवाले कांग्रेसलाई जति गाली गरे पनि एमालेले पटक–पटक सरकारको नेतृत्व गर्दा पनि मदन भण्डारीको हत्यारा पत्ता लगाउन नसकेको टिप्पणी गरेका छन् । कम्युनिष्ट पार्टीको हीरक जयन्तीको अवसरमा भएको कार्यक्रममा उनले यस्तो बताएका हुन् ।

‘म आज वास्तवमा भन्ने हो भने मदन भण्डारीको विषयमा बोल्न आएको थिएँ तर, कांग्रेसलाई गाली गर्नसम्म गर्नु भयो । अब मैले जवाफ दिन परिहाल्यो’, देउवाले भने, ‘मलाई गाली गरेको गर्‍यै गर्नेले मदन भण्डारीको हत्यारा खोज्न किन सक्दैन ? मदन भण्डारीको हत्यारा को हो पहिला पत्ता लगाउनुस् । मदन भण्डारीको ड्राइभर पनि मारियो । मार्ने को हो अहिलेसम्म किन पत्ता लागेन ? कांग्रेसको विरोध गर्न सजिलो छ, तर मदन भण्डारीको हत्यारा पत्ता लगाउन किन सक्नु भएन ? दुईपल्ट राष्ट्रपति बन्नु भयो, प्रधानमन्त्री बन्नु भयो पत्ता लगाउनु पर्‍यो तपाईंहरुले ।’

नेपाल कम्युनिष्ट पार्टी स्थापनाको हीरक महोत्सवमा कांग्रेस सभापति शेरबहादुर देउवा र पूर्व राष्ट्रपति विद्यादेवी भण्डारीबीच नोकझोक चलेको हो । भण्डारीले मदन भण्डारीको हत्या घटनाको छानबिनमा कांग्रेसले सहयोग नगरेको आशय व्यक्त गरेकी थिइन् । जवाफमा देउवाले पटक-पटक सत्तामा हुँदा समेत एमालेले भण्डारीको हत्यारा पत्ता नलगाएको र अझ उल्टै कांग्रेसलाई गाली गरेकोमा आपत्ति जनाए ।

बारेमा News desk

यॊ पनि हेर्नुहॊस

कान्तिपुरका अध्यक्ष कैलाश सिरोहिया कार्याकक्षबाटै पक्राउ

काठमाडौं । कान्तिपुर मिडिया ग्रुपका अध्यक्ष कैलाश सिरोहिया कार्यकक्षबाटै पक्राउ परेका छन् । उपत्यका अनुसन्धानका …

प्रतिकृया दिनुहॊस