एकै परिवारका चारले गरे आत्महत्या

भारत । भारतको हरियाणामा पर्ने फरिदाबादमा एकै परिवारका चारजनाले आत्महत्या गरेका छन् ।
फरिदाबादको दयाल बाग कोलोनीमा तीन दिदीबहिनीसहित भाइले एकैसाथ आत्महत्या गरेको छिमेकीको सूचनाका आधारमा पुलिसले जाँच गर्दा चारैजनाको शव फेला परेको हो । उनीहरुले केही दिन अघि नै आत्महत्या गरेको पुष्टि भएको छ ।
घरमा लामो समयदेखि कोही आवतजावत नभएको र घरबाट गन्ध आउन थालेपछि छिमेकीले प्रहरीलाई खबर गरेका थिए ।
उनीहरुको शव भेटिएको ठाउँमा सुसाइड नोट पनि भेटिएको छ । सुसाइड नोटमा आमाको मृत्यु भएको र आमाबिना बाँच्न नसकेकाले आत्महत्या गरेको उल्लेख छ ।
जहाँ कसैलाई पनि घटनाको जिम्मेवार बताइएको छैन । छिमेकीले दिएको सूचना अनुसार उनीहरुको बुबा आमाको पहिले नै मृत्यु भएको थियो ।
हरियाणा पुलिस र फोरेन्सिक विशेषज्ञ टोलीले यस घटनाको बारेमा अनुसन्धान गरिरहेको छ ।