श्रीमानद्वारा श्रीमतीको हत्या

गुल्मी । गुल्मीमा श्रीमानले श्रीमतीको हत्या गरेका छन् । मुसिकोट –७, इन्द्रेगौडाका ३५ वर्षीय पंकज कुमालले श्रीमती ३० वर्षीया लाली कुमाललाई कुटपिट गरेर हत्या गरेका हुन् ।
पंकजले चिरपट दाउराको प्रयोग गरी उनको हत्या गरेको प्रारम्भिक अनुसन्धानमा देखिएको छ ।
शनिबार राति भएको पारिवारिक झगडाका क्रममा उनले कुटपिट गर्दा श्रीमतीको हत्या भएको पंकजले पनि स्वीकारेको गुल्मी प्रहरी प्रमुख एसपी दिपककुमार बस्नेतले जानकारी दिए ।
प्रहरीले पंकजलाई नियन्त्रणमा लिएर थप अनुसन्धान थालेको छ ।