नवलपुरमा चौधरी ग्रुपको नयाँ रिसोर्ट- गल्फप्रेमीका लागि आकर्षक गन्तब्य बन्ने

काठमाडौं – नवलपुरमा चौधरी ग्रुपले नयाँ रिसोर्ट सञ्चालनमा ल्याएको छ । चौधरी ग्रुप अन्तर्गतको सीजी हस्पिटालिटीले नवलपुरको देवचुलीमा मिराया वेलनेस एण्ड गल्फ रिसोर्ट सञ्चालनमा ल्याएको हो ।

शाश्वतधाम र सीजी इन्डस्ट्रियल पार्कसँगै खुलेको यो रिसोर्ट गल्फप्रेमीका लागि आकर्षक गन्तब्य बन्ने हस्पिटालिटीको भनाइ छ । सीजी हस्पिटालिटी होल्डिङ्सका प्रमुख कार्यकारी अधिकृत राहुल चौधरीकाअनुसार आध्यात्म, शान्ति र आनन्ददायी वातावरणका लागि यो रिसोर्ट नेपालको उत्कृष्ट सावित हुनेछ । रिसोर्टमा स्विमिङ पुल, बास्केटबल र ब्याडमिन्टन कोर्ट छन् ।

साथै वाइन टेस्टिङ वर्कसप, क्युरेटेड स्पा, हाइड्रोथेरापी, वेलनेस थेरापी र नेचर ट्रेलजस्ता सुविधा उपलब्ध छन् । रमणीय जङ्गल र प्रकृतिले घेरिएको यस रिसोर्टले विभिन्न डाइनिङ विकल्प प्रदान गर्नेछ । वेलनेस वेगनएलाइभ रेस्टुरेन्ट, नेपाली इन्डियन भेजिटेरियन कजाइन रेस्टुरेन्ट र स्पोर्ट्स बार एण्ड ग्रिल जस्ता विकल्प उपलब्ध छन्’ कम्पनीद्वारा जारी विज्ञप्तिमा उल्लेख छ ।