रवि र अस्मिताको स्वरमा ‘यही कुरा साँचो हो’

काठमाडौं । नेपाल आइडल सिजन २ का विजेता गायक रवि ओड र गायिका अस्मिता परियारको स्वरमा रहेको गीत ‘यही कुरा साँचो हो’ सार्वजनिक भएको छ । माधव तिम्सिनाको शब्द, बाबुल गिरीको संगीत, एरेञ्ज तथा मिक्सिङ रहेको गीतको भिडियो सार्वजनिक भएको हो ।

दशरथ सुनारको निर्देशन रहेको गीतको भिडियोमा खुस्बु खड्का र प्रिन्स विश्वकर्मालाई फिचरिङ गरिएको छ । उनीहरू दुईको प्रेम भावलाई भिडियोमा देख्न सकिन्छ । रामकुमार केसीको छायांकन, राजीव समरको कोरियोग्राफी, टेकेन्द्र शाहको सम्पादन रहेको गीतको भिडियो रवि ओडको युटुब च्यानलमार्फत सार्वजनिक गरिएको हो ।