सुनसरीका दुई छुट्टाछुट्टै स्थानमा करेन्ट लागेर दुई जनाको मृत्यु

सुनसरी। सुनसरीका दुई छुट्टाछुट्टै स्थानमा करेन्ट लागेर दुई जनाको मृत्यु भएको छ । बराहक्षेत्र नगरपालिका-२ का २९ बर्षीय कृष्ण घिमिरेको शनिवार दिउँसो करेन्ट लागेर मृत्यु भएको हो । आफ्नै घर वरीपरी हात्ती रोक्नका लागी लगाईएको फलामको तारमा छुँदा  करेन्ट लागेर घाईते भएका घिमिरेको उपचारको क्रममा बि.पी. कोईराला स्वास्थ्य बिज्ञान प्रतिस्ठान धरानमा मृत्यु भएको हो ।

त्यस्तै  ईटहरी-१७ का मनोज खत्रीको पनि  करेन्ट लागेर मृत्यु भएको छ । शनिवार साँझ घर नजिकै रहेको माछा पोखरीमा करेन्ट लगाई माछा मार्ने क्रममा आफैलाई करेन्ट लागेर घाईते भएका खत्रीको  उपचारको  क्रममा  बिराट टिचिङ हस्पिटल बिराटनगर मृत्यु भएको हो ।