तिम्ले जस्तै मन कठोर्, पार्न पनि सिकाइदेउ
नौटङ्कीको तप्प आँसु,झार्न पनि सिकाइदेउ

चटाएर प्रेम प्याला, छोड्छौ भने बिन्ती प्रीय
माया गर्न मात्र हैन, मार्न पनि सिकाइदेउ

सारथी भै प्रेम युद्ध, सिकाएथ्यौ जित्न मात्रै
अब एक्लै पार्ने भए, हार्न पनि सिकाइदेउ

खोल्दिएथ्यौ हृदयद्वार,नाचेथ्यो दिल् गगनमा
लौन!!दशा चल्छ भने, टार्न पनि सिकाइदेउ

सपनाका बेर्ना मेरा, उखेलेर फाल्छौ किन?
झरिलैमा अन्त कतै, सार्न पनि सिकाइदेउ

D.p.khakurel