मिसेस इन्टरनेसनल २०१८ मा नेपाल पनि

काठमाडौं ।    विवाहित महिलाबीच अमेरिकामा हुने मिसेस इन्टरनेसनल २०१८ प्रतियोगितामा अब नेपालको पनि प्रतिनिधित्व हुने भएको छ। रिवन इन्टरटेनमेन्ट प्रालिले मिसेस नेपाल इन्टरनेसनल २०१७ आयोजना गरी त्यसमा विजयी हुने विवाहित महिलालाई सो प्रतियोगितामा सामेल गराउने प्रबन्ध मिलाएको हो।

रिवन इन्टरटेनमेन्टले घरेलु हिंसाविरुद्धको अभियानलाई अगाडि बढाउँदै मिसेस नेपाल इन्टरनेसनल २०१७ आयोजना गर्ने  छ।  आगामी असोज ३ गते भद्रकालीस्थित आर्मी अफिसर्स क्लबमा हुने प्रतियोगिताको मुख्य विजेताले पुरस्कारस्वरूप स्कुटर पाउनुका साथै अमेरिकामा हुने मिसेस इन्टरनेसनल २०१८ प्रतियोगितामा सहभागिता जनाउने अवसर पाउने छन्।