निकिता पौडेललाई प्रश्नः तपाईंलाई रवि लामिछानेको के कुराले लोभ्यायो?

रवि लामिछानेसँग कहिलेदेखि प्रेममा पर्नुभयो?
हाम्रो चिनजान भएको ९ महिना भयो। तर विवाह गर्ने निर्णयमा पुगेको चाहिँ त्यस्तै तीन महिना भयो।

विवाह गर्ने निर्णयमा कसरी पुग्नुभयो?
हामी दुवै जनालाई राम्रोसँग चिन्ने एक जना दाई हुृनुहन्थ्यो। उहाँलाई हाम्रो व्यक्तिगत जीवनका बारेमा राम्रो जानकारी थियो। त्यसपछि उहाँले हामी दुईले विवाह गर्दा राम्रो हुन्छ भन्नुभयो। दुवै एक्लै भएको र प्रोफाइल पनि मिल्ने भएकाले विवाह गर भन्नुभयो। त्यसपछि हामीले एक अर्काको परिवारसँग सल्लाह गर्यौं अनि सहमतिमै अहिलेका लागि कोर्ट म्यारिज गर्यौं।

तपाईंलाई रविको कस्तो बानीले लोभ्यायो?
मलाई रविजीको केयरिङ एकदमै मनपर्छ भने सरल स्वभाव अनि अन्डरस्ट्यान्डिङ कुराले मेरो मन जित्यो।

तपाईंको पारपाचुके भएको चाहिँ कति भयो?
म श्रीमान्सँग छुट्टिएर बसेको सात/आठ वर्ष भइसकेको थियो, तर मैले दुई वर्षअघि मात्र डिभोर्ज फाइल गरेको थिएँ। त्यसको प्रोसेसिङ एकदमै लामो हँुदोरहेछ। हामीले ९ महिनाअघि मात्र सहमतिमै डिभोर्स गरेका हौं।

तपाईंहरूसँगै बस्न थाल्नुभयो कि बेग्ला-बेग्लै हुनुहुन्छ?
हामीले माघ ९ गते कोर्ट म्यारिज गरेको हौं। त्यसपछि हामी वैधानिक रूपमा श्रीमान्श्री-मती भइसक्यौं। अहिले रविजी तेस्रो तलामा बस्नुहुन्छ र म छैठौं तलामा छु। उहाँले माघ १५ गतेदेखि फ्ल्याट छाड्ने भन्नुभएको छ।