प्रदर्शनको संघारमा ‘चंंगा चेट’को शिर्ष गीत रिलिज

काठमाडाैं । यहि कात्तिक १६ गते देखि प्रदर्शनमा आउने तयारीमा रहेको सिनेमा ‘चंगा चेट’ को शिर्ष भिडियो गीत सार्वजनिक भएको छ । ‘चंगा चेट’ बोलको गीतमा कोशिस क्षेत्रीको शब्द, स्वर तथा संगीत रहेको छ ।

गीतको भिडियोमा सिनेमाका सबै कलाकारहरु देख्न सकिन्छ । दिपेन्द्र के खनाल निर्देशित सिनेमामा आयुष्मान देशराज जोशी, प्रियंका कार्की, सन्दिप क्षेत्री, परमिता राज्यलक्ष्मी शाह, रविन्द्र झा, सुरक्षा पन्तको अभिनय रहेको छ ।

माधव वाग्ले र सर्मिला पाण्डेको संयुक्त निर्माणमा बनेको यस सिनेमामा पहिलो पटक रेड इपिक डब्ल्यु, ८ के क्यामेराले खिचेका छन् । जुन क्यामेराको प्रयोग हलिउड र बलिउड सिनेमा छायांकनमा प्रयोग गरिन्छ भने नेपालमा यस अघि कुनै पनि सिनेमामा यस्तो क्यामेरा प्रयोग गरिएको छैन ।