टाटा सुमोको ठक्करबाट एक पैदल यात्रुको मृत्यु

महोत्तरी । पूर्व–पश्चिम राजमार्ग अन्तर्गत महोत्तरीको बर्दिवासमा शनिबार टाटा सुमोको ठक्करबाट एक पैदल यात्रुको मृत्यु भएको छ ।
मृत्यु हुनेमा धनुषा जिल्लाको मिथिला नगरपालिका–८ बस्ने भैरवबहादुर हेम्जन रहेको जिल्ला ट्राफिक प्रहरी कार्यालयले जनाएको छ ।
बर्दिवासबाट सर्लाहीतर्फ जाँदै गरेको ना १ ज २९०२ नम्बरको टाटा सुमोको ठक्करबाट हेन्जनको घटनास्थलमै मृत्यु भएको हो ।
ठक्कर दिने टाटा सुमो र चालकलाई ईलाका प्रहरी कार्यालय बर्दिवासले नियन्त्रणमा लिएको छ भने घटनाबारे आवश्यक अनुसन्धान जारी रहेको जनाइएको छ ।