नेप्से परिसूचक १५ दशमलव ५० घट्याे

बुधबार शेयर बजार घटेको छ। मंगलबार १७ दशमलव ४२ अंकले बढेको बजार बुधबार १५ दशमलव ५० अंकले घटेर २ हजार ७२० दशमलव ४३ बिन्दुमा झरेको छ।

बुधबार २२८ वटा धितोपत्रको ६२ लाख ४७ हजार ७७४ कित्ता शेयर खरिद बिक्री भएको छ । जसबाट ३ अर्ब १३ करोड १२ लाख १० हजार २८१ रुपैयाँ बराबरको कारोबार भएको नेपाल स्टक एक्सचेञ्जले जनाएको छ ।

बुधबार १३ वटा समूहमध्ये २ वटा समूहको परिसूचक बढेकोे छ भने बाँकी सबै समूहको परिसूचक घटेको छ।

बुधबार दिव्यश्वरी हाईड्रोपावर र युनाइटेड इदी मर्दी आर.बी हाइड्रोपावरको शेयरमूल्यमा सकारात्मक सर्किट लागेको छ।

कारोबार रकमको आधारमा नेपाल दुरसञ्चार कम्पनीको १९ करोड ३७ लाख ८५ हजार ५५४ रुपैयाँ बराबरको शेयर खरिद बिक्री भयो।