काठमाडौँ । छिमेकी मुलुक भारतमा कोरोनाको तेस्रो लहरमा दैनिक संक्रमितको संख्या घटेको देखिएपनि मृत्यु हुनेको संख्या भने बढेको छ । भारतीय स्वास्थ्य मन्त्रालयले दिएको जानकारी अनुसार पछिल्लो २४ घण्टामा ५८ हजार ७७ जनामा ​​कोरोना संक्रमण पुष्टि भएको छ भने ६५७ जनाको मृत्यु भएको छ ।

भारतमा दैनिक संक्रमित दर परिक्षण गरिएको संख्याको ३.८९ प्रतिशत रहेको छ । त्यस्तै भारतमा एकैदिन एक लाख ५० हजार ४०७ जना कोरोना संक्रमणबाट निको भएको मन्त्रालयले जनाएको छ । योसँगै भारतमा सक्रिय कोरोना संक्रमितको घटिरहेको छ । हाल भारतमा कुल सक्रिय संक्रमितको संख्या ६ लाख ९७ हजार ८०२ रहेको छ ।

हालसम्म कोरोना संक्रमणबाट कूल ५ लाख ७ हजार ११७ जनाको मृत्यु भएको स्वास्थ्य मन्त्रालयले जानकारी दिएको छ ।