सुनको मूल्यमा तोलामा ५ सयले वृद्धि

काठमाडौँ । सुनचाँदी बजारमा आज छापावाल सुनको प्रतितोला ५ सय ले बढेर ९३ हजार १०० पुगेको छ । पहेँलो धातु सोमबार प्रतितोला ९२ हजार ६ सयमा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार तेजाबी सुनको आजको मूल्य प्रतितोला ९२ हजार ६०० छ, यसको मूल्य अधिल्लो दिन ९२ हजार १ सय थियो ।

यस्तै आज चाँदीको मूल्य अधिल्लो कारोबार मूल्यका तुलनामा प्रतितोला पाँचले बढेर एक हजार २६० कायम रहेको महासङ्घले जनाएको छ । अन्तरराष्ट्रिय बजारमा आज सुन प्रतिऔँस एक हजार ८१९ डलर आसपास कारोबार भइरहेको छ ।