बाँकेमा कोरोना संक्रमित महिलाको मृत्यु

काठमाडौँ । बाँकेको नेपालगञ्जमा एक जना कोरोना संक्रमितको मृत्यु भएको छ । नेपालगञ्ज उपमहानगरपालिका-२ की ७० वर्षीया महिलाको बिहान मृत्यु भएको हो ।

स्वास्थ्य कार्यालय बाँकेकाअनुसार माघ ८ गते नेपालगञ्ज मेडिकल कलेज कोहलपुरमा गरिएको पीसीआर परीक्षण रिपोर्ट पोजेटिभ आएपछि ती महिलालाई भोलिपल्ट भेरी अस्पतालमा उपचारका लागि भर्ना गरिएको थियो । उनको उपचारकै क्रमममा मृत्यु भएको हो ।

थप एक महिलाको मृत्युसँगै कोरोना संक्रमणबाट बाँके जिल्लाका मृतकको संख्या ३४६ पुगेको छ ।