जिराभावानीमा १ सय ५० परिवारलाई सुधारिएको चुलो वितरण

वीरगंज ।   पर्सा जिल्लाको जिराभावानी गाउँपालिकामा १ सय ५० गरिव तथा विपन्न वर्गका परिवारलाई सुधारिएको चुलो वितरण गरिएको छ ।

गाउँपालिकालाई धुवाँमुक्त बनाउने र गरिव तथा विपन्न वर्गका परिवारलाई सहयोग पुर्याउने उद्देशले सोमबार आयोजित एक कार्यक्रम विच वैकल्पिक उर्जा प्रवर्द्धन केन्द्रले जिराभावानी गाउँपालिकाको वडा नं. ५ का १ सय ५० गरिव तथा विपन्न वर्गको परिवारलाई सुधारिएको चुलो वितरण गरेको हो ।

जिराभवानी गाउँपालिकाका अध्यक्ष रामप्रित महतोको अगुवाईमा चुलो वितरण गरिएको हो । धुवाँ नआउने तथा एक ठाउँबाट अर्को ठाउँसम्म लैजान सजिलो चुलो वितरण गरेर गाउँलाई नै धुवाँमुक्त बनाउन अभियानमा गाउँपालिका लागेको महतोको भनाइ छ ।

उक्त गाउँपालिकामा अन्य वडामा पनि सुधाारिएको चुलो छिटै वितरण गरिने अध्यक्ष महतोले बताए । सुधारिएको चुलोले दाउराको खपत समेत कम गर्न महत्वपूर्ण हुने जनाइएको छ ।

कार्यक्रममा जिराभावानी गाउँपालिकाका प्रमुख प्रसासकिय अधिकृत अमित गिरि, गाउँपालिका न्यायिक समीतका सदस्य राधेसरण थारु, स्थानीय अगुवा श्रीजगन गौरोलयातको उपस्थिति रहेको थियो ।