कोरोना अपडेटः १८३ जनामा संक्रमण पुष्टि, ६४९ जना संक्रमण मुक्त

पछिल्लो २४ घण्टामा ६४९ जना कोरोना संक्रमण मुक्त भएका छन्। त्यस्तै १८३ जनामा कोरोना भाइरस संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार २ हजार ३०७ जनाको पीसीआर परीक्षण गर्दा १७४ जना र २ हजार ५३७ जनाको एन्टिजेन परीक्षण गर्दा ९ जना गरी १८३ जनामा कोरोना भाइरसको संक्रमण देखिएको हो।

यस्तै पछिल्लो २४ घण्टामा कोरोना संक्रमणबाट २ जनाको मृत्यु भएको छ। यससँगै कूल मृतकको संख्या ११ हजार ४३१ पुगेको छ।

कूल निको हुनेको संख्या ७ लाख ९४ हजार ४३४ पुगेको छ। कूल संक्रमितको संख्या पीसीआर विधिबाट ८ लाख १४ हजार २८९ र एन्टीजेनबाट ९४ हजार ८०४ पुगेको छ।

नेपालमा हाल ८ हजार ४१३ जना सक्रिय संक्रमित रहेका छन्।