काठमाडौंमै बोक्सी भन्दै महिलामाथि कुटपिट,श्रीमान्‌सहित ४ जना पक्राउ

काठमाडौं । काठमाडौँको स्वयम्भुमा बोक्सीको आरोपमा महिलामाथि निर्घात कुटपिट गरेको अभियोगमा प्रहरीले चार जनालाई पक्राउ गरेको छ।

प्रहरीले पीडित महिलाकी श्रीमान्, धामी दीपेन्द्रकुमार थिङ, दशनारायण महर्जन र जनार्दन पाण्डेलाई पक्राउ गरेको  हो ।

प्रहरीका अनुसार पेट दुख्ने समस्या भएको महिलाको समस्या समाधानको लागि भन्दै ती महिलाको श्रीमानले धामी दिपेन्द्रकुमार थिङकोमा पुर्‍याएका थिए ।

उनीहरुले भदौ २० गते स्वयम्भुस्थित एक होटेलमा महिलालाई झारफुक गर्ने भन्दै कुटपिट गरेका थिए।