मैत्रीपूर्ण फुटबलः भारत र नेपालबीचको खेल बराबरी

भारत र नेपालबीच आज भएको मैत्रीपूर्ण फुटबल बराबरीमा सकिएको छ । भारतविरुद्धको मैत्रीपूर्ण खेलमा नेपालका अन्जन विष्टले नेपाललाई सुरुवाती अग्रता दिलाए पनि खेल १-१ गोलको बराबरीमा रोकिएको हो।

दशरथ रंगशालामा भएको पहिलो हाफको ३६ औं मिनेटमा गोल गर्दै अन्जनले नेपाललाई अग्रता दिलाएका थिए।

भारतका डिफेण्डर र गोलकिपर समन्वय अभावमा अन्जनले बल खोस्दै खाली पोस्टमा गोल गरे। भारतका अनिरुद्ध थापाले दोस्रो हाफको ६१ मिनेटमा गोल फर्काए । जसले खेललाई बराबरी गर्न सहयोग गर्यो।

अर्काे खेल भदाै २० गते हुनेछ।