सनराइज बैंकले खोल्यो २ वटा शाखारहित बैंकिङ्ग सेवा

काठमाडौं । सनराइज बैंकले थप २ वटा शाखारहित बैंकिङ सेवा विस्तार गरेकाे छ ।

बैंकले सुदुरपश्चिम प्रदेश, कैलालीको खानीडाँडामा र बाग्मती प्रदेश, नुवाकोटको गौरीबेशीमा क्रमशः ८४औं र ८३औं शाखारहित बैंकिङ्ग सेवा शुरु गरेको हो ।

यससँगै बैंकको शाखारहित बैंकिङ्ग संख्या ८४ पुगेको छ ।

बैंकले उक्त स्थानहरुमा सेवा सञ्चालनका लागी खानीडाँडाको स्थानीय व्यवसायी कविता जिशी भाट र गौरीबेशीका रविन्द्र घिमिरेलाई व्यावसायिक प्रतिनिधिका रुपमा नियुक्त गरेको छ ।

शाखारहित बैंकिङ्गबाट निक्षेप संकलन, रकम भुक्तानी, रकम स्थानान्तरण, बिल भुक्तानी लगायतका सेवाहरु उपयोग गर्न सकिने बैंकले जनाएको छ ।