आफ्नो संस्थागत सामाजिक उत्तरदायित्व अन्तर्गत माछापुच्छ्रे बैंकद्वारा वृक्षरोपण

काठमाडौं । आफ्नो संस्थागत सामाजिक उत्तरदायित्व अन्तर्गत  माछापुच्छ्रे बैंकले शुक्रवार वृक्षरोपण गरेको छ । बैंकले काठमाडौं महाराजगञ्जको सल्लाघारीदेखि न्युरो अस्पताल बासवरीसम्म १ सय बिरुवा वृक्षारोपण गरेको हो ।

काठमाण्डौं महानगरपालिका वडा नं. ३सँगको सहकार्यमा उक्त वृक्षारोपण गरेको बताइएको छ ।

उक्त वृक्षारोपण कार्यक्रमामा  बैंकको तर्फबाट प्रमुख कार्यकारी अधिकृत सन्तोष कोइराला र काठमाडौं महानगरपालिका– ३ का वडाध्यक्ष दिपक केसीले वृक्षारोपण गरी कार्यक्रमको सुरुवात गरेका थिए ।