धनगढीमा शिक्षक आन्दोलित, उपमहानगरपालिकामै रिले अनसन

काठमाडाैँ । कैलालीकाे धनगढीका शिक्षकहरु आन्दोलित भएका छन् । आफ्ना विभिन्न मागहरु सम्बोधन नभएको भन्दै शिक्षकहरु आन्दोलित भएका हुन् ।

शिक्षक व्यवस्थापन गर्नुपर्ने, बालबिकासको तलब संघिय सरकारले दिनुपर्ने, विद्यार्थीलाई खोप लगाउनुपर्ने लगायतका माग सम्बोधन नभएपछि आफूहरु आन्दोलित हुनु परेको आन्दोलन परिचालन समिति संयोजक तिर्थराज पाण्डेयले बताए ।

यस्तै सबै शिक्षक विद्यार्थीलाई कोरोना भाइरसविरुद्धको खोप दिनुपर्ने माग गरिएको छ। आन्दोलनलाई थप सशक्त रुपमा अगाडि बढाउनका लागि धनगढी उपमहानगरपालिकामा रिले अनसन बसेको पाण्डेयले बताए ।