२ हजार ७ सय ६० जनामा कोरोना संक्रमण पुष्टि, ३३ को मृत्यु

काठमाडाै  । आज बिहीबार थप २७६० जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा सो संख्याका संक्रमित थपिएका हुन्। पछिल्लो २४ घण्टामा १० हजार ९ सय ८५ जनामा कोरोना परीक्षण गरिएको थियो।

७ हजार १ सय ३० जनामा पिसिआर परीक्षण गरिएकोमा १ हजार ८ सय ५७ र ३ हजार ८ सय ५५ जनामा गरिएको एन्टिजेन परीक्षणमा ९ सय ३ जनामा संक्रमण देखिएको हो । कोरोनाबाट ४ हजार १७ जना संक्रमणमुक्त भएका छन्। थप ३३ जनाको कोरोनाबाट मृत्यु भएको पुष्टि भएको छ। योसँगै कोरोनाबाट मृत्यु हुनेको संख्या ९ हजार १ सय ४५ जना पुगेको छ।

निको हुने दर ९३.७ प्रतिशत छ।