उच्च रक्तस्रावले आमा र बच्चाको मृत्यु

काठमाडौं । उच्च रक्तस्रावले अछामको तुर्माखाद गाउँपालिका-४ की ३८ वर्षीया नामसरा विकको जिल्ला अस्पताल अछाममा मृत्यु भएको छ ।

सुत्केरी व्यथा लागेकी महिलाको अत्यधिक रक्तस्राव भएका कारण मृत्यु भएको हो ।

सोमबार मध्याह्न १२ बजेपछि सुत्केरी व्यथा लागेकी निजको अत्यधिक रक्तस्राव भएपछि उपचारका लागि जिल्ला अस्पतालमा ल्याइए पनि रक्तस्राव नरोकिएका कारण उनको सोमबार राति ज्यान गएको जिल्ला अस्पताल अछामले जनाएको छ ।