चितवन । आइतबार बिहान चितवनमा उपचार गराइरहेका एक कोरोना भाइरस (कोभिड-१९) संक्रमित पुरुषको मृत्यु भएको छ ।
नवलपुर जिल्लाको विनय त्रिवेणी गाउँपालिका २ दुम्कीबासका ३६ वर्षीय पुरुषको कोरोना संक्रमणका कारण आइतबार बिहान मृत्यु भएको हो । खोकी, श्वासप्रश्वास र कलेजोमा समस्या भएपछि चितवनको भरतपुर अस्पतालमा उपचार गराइरहेका उनको आइतबार बिहान मृत्यु भएको हो ।
गण्डकी प्रदेश कोरोना नियन्त्रण तथा रोकथाम कार्यक्रमका निर्देशक डाक्टर विनोद विन्दु शर्माका अनुसार उनी शनिबार अस्पतालको आईसीयूमा भर्ना भएका थिए । योसँगै गण्डकी प्रदेशमा कोरोनाका कारण मृत्यु हुनेको संख्या ३४ पुगेको छ ।
प्रतिकृया दिनुहॊस