मनीग्राम र आइएमई बीच डिजिटल रेमिट्यान्स सेवा विस्तार सम्झौता

काठमाडौं ।मनीग्राम र आइएमई बीच डिजिटल रेमिट्यान्स सेवा विस्तार सम्झौता भएको छ ।सम्झौता  पछि संसारभरी कुनै पनि ठाँउबाट  मनीग्राममार्फत रेमिट्यान्स गर्ने नेपाली नागरिकले आइएमई पे वालेटमा सिधैं रकम प्राप्त गर्न सक्नेछन्  ।

नेपाली नागरिकहरूले मनीग्रामबाट पठाएको पैसा आइएमई पे वालेटमा प्राप्त गर्नेगरी आइएमई डिजिटल र आइएमई लिमिटेडसँग सम्झौता गर्न पाउँदा आफुलाई निक्कै खुशी लागेको मनीग्रामका लागि दक्षिण  एसियास्थित ग्लोबल स्ट्राटेजीक सेल्स प्रमुख रिज सोहेलले बताए|

कोरोनाभाइरस को महामारीबाट उत्पन्न सुरक्षा संवेदनशीलतालाई ध्यानमा राख्दै आइएमईले रेमिट्यान्स रकम आफ्नै मोबाइल वालेटमा वा विभिन्न माध्यमबाट आफ्नै घरमा प्राप्त गर्न आवश्यक प्रवन्ध मिलाइएको आइएमई डिजिटल सोलुसन लिमिटेडका अध्यक्ष हेमराज ढकालले बताए ।