अमेरिकामा एउटा पसलेले एउटा खरबुजाका लागि ८० करोड रुपैयाँ मूल्य चुकाएका छन् । अमेरिकाको अलाबामास्थित शपिङ स्टोर वालमार्टका लागि एउटा खरबुजाको मूल्य ८० करोड परेको हो ।
सन २०१५ मा भएको उक्त घटनाका विषयमा अमेरिकी प्रान्त अलाबामाको एक अदालतले हालै फैसला सुनाएको छ ।
अदालतको फैसला अनुसार अब वालमार्टले खरबुजाका कारण घाइते भएका ग्राहक हेनरी वाकरलाई ७५ लाख डलर अर्थात् झण्डै ८५ करोड रुपैयाँ तिर्नुपर्नेछ । वास्तवमा भएको के थियो भने, सेवानिवृत्त सैनिक समेत रहेका वाकर किनमेल गर्न वालमार्टमा पुगेका थिए ।
वालमार्टमा उनले खरबुजा पनि किन्ने सोच बनाए र त्यहाँ रहेको एउटा खरबुजा हातमा लिएर एक कदम अघि बढ्ने के कोसिस गरेका थिए सामान राखिएको दराजबाट बाहिर निस्किएको काठको चुच्चोमा उनको खुट्टा अड्कियो र उनी भुइँमा बजारिए । सामान भरिएको र्याक पनि उनीमाथि बज्रियो जसका कारण उनको हिपको हड्डी भाँचियो ।
लामो उपचारपछि उनी निको त भए तर आफुलाई सख्त घाइते बनाउने सुपर मार्केटप्रति उनको रिस मरेको थिएन । उनले मोटो रकम क्षतिपूर्तिको मागसहित सुपरमार्केटविरुद्ध मुद्दा हाले ।
उनको त्यो मुद्दामा अदालतले हालै फैसला गर्दै वाकरलाई ७५ लाख डलर जरिवाना तिर्न सुपरमार्केटका नाममा आदेश दिएको छ । वालमार्टले भने सानो गल्तीमा निकै ठूलो सजाय पाएको भन्दै फैसलाविरुद्ध अपील गर्ने वताएको छ । एजेन्सी
प्रतिकृया दिनुहॊस