काठमाडौं । संघीय तथा स्थानीय सरकारले जनअपेक्षा अनुसार काम गर्न नसकेको आरोप लगिरहेका बेला एक जनप्रतिनिधिले पदबाट राजीनामाको घोषणा गरेकी छिन् । उदयपुरको बेलका नगरपालिकाकी उपमेयर राजकुमारी चौधरीले सरकारप्रति तीव्र असन्तुष्टि पोख्दै पदबाट राजीनामा दिने घोषणा गरेकी हुन् ।
उनले बुधबार साँझ फेसबुकमार्फत जनतासँग माफी माग्दै पद पार्टीलाई हस्तान्तरण गर्ने जानकारी गराएकी छिन् । ‘उपमेयर पद पार्टीलाई हस्तान्तरण गर्न चाहन्छु, जनतासँग माफी माग्न चाहन्छु । कालो कर्तुतहरूका विषयमा कार्यान्वयन हुँदैन । धिक्कार छ, दुई तिहाइ सरकार !’ उनले भनेकी छिन् ।
उनले सरकारप्रति तीब्र असन्तुष्टि जनाएर राजीनामा दिने घोषणा गरे पनि असन्तुष्टिको विषय के थियो भन्ने कुरा स्पष्ट खुलाएकी छैनन् । चौधरी तत्कालीन नेकपा एमालेबाट २०७४ सालको स्थानीय तहको निर्वाचनबाट उपमेयरमा निर्वाचित भएकी हुन् ।
प्रतिकृया दिनुहॊस