हिमपहिरोमा हराएका कोरियाली नागरिकको शव भेटियो

काठमाडौं ।  गत माघ ३ गते कास्की अन्नपूर्ण गाँउपालिका–१ हिङकु केभ क्षेत्रमा गएको हिमपहिरोमा परी बेपत्ता भएका एक  कोरियाली नागरिकको शव भेटिएको छ ।

नेपाली सेनाको टोलीले हिमपहिरोमा बेपत्ता भएका एक जना कोरियाली नागरिकको शवलाई मंगलबार पोखरा स्वास्थ्य विज्ञान प्रतिष्ठानमा ल्याएको नेपाली सेनाले जनाएको छ ।

गत माघ २ गते अन्नपूर्ण गाउँपालिका -१ हिङ्कु केभ क्षेत्रमा गएको हिमपहिरोमा परी ३ जना नेपाली गाइड र चार जना कोरियाली पर्यटक बेपत्ता भएका थिए । बेपत्ता भएका तीमध्ये दुई जना नेपाली गाइड र दुई जना कोरियाली पर्यटकको यसअघि नै शव भेटिएको थियो ।