कोरोना त्रास : गाउँपालिकामा प्रवेश निषेध

उनका अनुसार नाकामा चौबीसै घण्टा स्वयंसेवक एवं सुरक्षकर्मी रहनेछन् । पालिका प्रवेशको मुख्य नाका खोलाको छेउ, पुलचोक, तालवेँसी, पोल्याङ, देउराली फेदी, रामदी, ताकाङजा, पिप्ले र काउरे नाकामा बुधबार साँझदेखि सूचना टाँसेर आवतजावत बन्द गरिएको छ ।

कोरोना भाइरस नियन्त्रण र रोकथामका लागि सरकारले घोषणा गरेको लकडाउनलाई प्रभावकारी बनाउन गाउँपालिका प्रवेशमा रोक लगाइएको बताउँदै उनले यसबाट गाउँवासीलाई सुरक्षित राख्न सहयोग पुग्ने विश्वास व्यक्त गरे ।

उनका अनुसार बाहिरबाट गाउँपालिकाभित्र आवतजावत गर्दा कोरोना भाइरस भित्रने जोखिम बढेका कारण पालिकाको १८ गते मङ्गलबार बसेको विशेष बैठकले प्रवेश निषेध गर्ने निर्णय हो । यदि कोही गाउँ प्रवेश गर्दछ भने स्वास्थ्यकर्मीको निगरानीमा १४ दिन क्वारेनटाइनमा अनिवार्य बस्नै पर्नेछ ।