कटुवा पेस्तोलसहित दुईजना पक्राउ

रौतहट । गढीमाई नगरपालिकाबाट कटुवा पेस्तोलसहित दुईजना पक्राउ परेका छन्। इलाका प्रहरी कार्यालय रौतहटको प्रहरी टोलीले गढीमाई–६ धर्मपुरको बागमती नदी किनारबाट सोमबार राति सर्लाहीको धनकौल गाउँपालिका–६ का २१ वर्षीय राजेश राम महरा र २६ वर्षिय जयनारायण राम रहेको इलाका प्रहरी कार्यालय गरुडाका प्रहरी नायब उपरीक्षक ज्ञानकुमार महतोेले जानकारी दिए।

उनीहरुको साथबाट एक थान कटुवा पेस्तोल र दुई थान गोली बरामद गरिएको प्रहरी नायब उपरीक्षक महतोले जानकारी दिएका छन्। नियमित गस्तीमा निस्किएका प्रहरी टोलीलाई देख्ने बित्तिकै उनीहरु भाग्ने क्रममा पक्राउ गरिएको प्रहरीले बताएको छ। घटनाबारे अनुसन्धान भइरहेको प्रहरी नायब उपरिक्षक महतोले बताए।