अभिनेत्री श्रीदेवीको निधन

बलिउड अभिनेत्री श्रीदेवी कपुरको निधन भएको छ । ५४ वर्षिय अभिनेत्री कपुरको शनिबार राती निधन भएको भारतिय संचार माध्यम इन्डियन एक्सप्रेसले जनाएको छ ।  दुबईको एक विवाह समारोहमा भाग लिन गएकी श्रीदेवीको शनिवार दुबईमै निधन भएको थियो । श्रीदेवी  १३ अगस्ट १९६३ मा तामिलनाडुमा जन्मिएकी हुन्। उनले आफ्नो करियर त्यसबेला सुरु गरिन्, जतिबेला उनी चार बर्षकी थिइन् । त्यसबेला उनले तमिल फिल्म गरेकी थिइन् ।

दक्षिण भारतिय फिल्ममा काम गरेपछि श्रीदेवीले ‘जूली’ फिल्म खेलिन्, १९७५ । यतिवेलासम्म पनि उनी बाल कलाकारकै रुपमा थिइन् । जुलीबाट उनी बलिउडमा तानिएकी थिइन् ।