काठमाडौं । नेपालकी बोनिता शर्मा प्रेरणादायी शीर्ष सय महिलाको सूचीमा पर्न सफल भएकी छन् । ब्रिटिस ब्रोडकास्टिङ कर्पोरेसन बीबीसीले हरेक वर्ष सार्वजनिक गर्ने विश्वका प्रेरणादायी महिलाको सूचीमा नेपालकी बोनिता पर्न सफल भएकी हुन् ।
बीबीसी विश्व सेवाको अनलाईन पोर्टलमा यो समाचार प्रकाशित छ । बोनिता शर्मालाई महिला सशक्तिकरण र कुपोषणको क्षेत्रमा योगदान दिएकाले विश्वका प्रेरणादायी शीर्ष सय महिलाको सूचीमा समावेश गरेको बीबीसीले जनाएको छ ।शर्मा सोसियल चेन्ज मेकर एण्ड इनोभेटर्स (सोचाइ) संस्थाकी संस्थापक हुन्।
यस संस्थाले महिला सशक्तीकरणका साथै पोषणका क्षेत्रमा काम गर्दै आइरहेको छ । उनको संस्था सोचाइले यसै वर्ष ‘लिड २०३० च्यालेन्ज’ पुरस्कार प्राप्त गरेको थियो ।
प्रतिकृया दिनुहॊस