दाङमा मोटरसाइकलको ठक्करबाट एक जनाको मृत्यु

दाङ । मोटरसाइकलको ठक्करबाट दाङको देउखुरीमा एक बृद्धको मृत्यु भएको छ । गढवा गाउँपलिका ५ का करिब ६५ वर्षीय गंगाराम यादवको मोटरसाइकलको ठक्करबाट मृत्यु भएको हो ।

लु ५ प ९७११ नम्बरको मोटरसाइकलले पैदलयात्री यादवलाई ठक्कर दिएको र उनको उपचारका क्रममा मृत्यु भएको जिल्ला प्रहरी कार्यालय दाङले जनाएको छ । टाउको र खुट्टामा गम्भीर चोट लागेका यादवको लमही अस्पतालमा उपचारका क्रममा मृत्यु भएको हो ।