चितवनमा बस र ट्रक ठोक्किदाँ १५ जना घाइते

चितवन । बस र ट्रक आपसमा ठोक्कीदा चितवनमा १५ जना घाइते भएका छन्। शुक्रबार विहान पौने ९ बजे भएको सो दुर्घटनाका घाइतेहरुको भरतपुर अस्पतालमा उपचार भइरहेको जिल्ला प्रहरी कार्यालय चितवनले जनाएको छ।

पुथ्वी राजमार्ग अन्तर्गत मुग्लिनबाट काठमाडौंतर्फ जाँदै गरेको ना ८ ख ६०५८ नम्बरको बस र विपरित दिसाबाट गईरहेको ना ६ ख २८९५ नम्बरको ट्रक ईच्छाकामना गाउपालिका ४ लेवाटारमा ठोक्किँदा बसका यात्रुहरु घाइते भएका हुन्।  बसमा ३२ जना सवार रहेकोमा १५ जना घाईते भएको प्रहरीले जनाएको छ।