कामना सेवाको ‘मोबाईल बैंकिङ्ग’ सेवामा स्तरोन्नती

काठमाडौं । कामना सेवा विकास बैंकले विविध विशेषताहरु भएको परिमार्जीत, आधुनिक र सरल ‘मोबाईल बैंकिङ्ग भी५’ सेवा सुरु गरेको छ ।

यो सेवा प्रयोगकर्ताहरुले बायोमेट्रिक लगईन, क्यूआर पेमेन्ट, क्रेडिट कार्डको बिल, इन्स्योरेन्सको प्रिमियम, स्कूल तथा कलेजको फि,  विद्युत र खानेपानी महशुल आदीको भुक्तानी, आफ्नो  बैंक खाताको रकम अन्य बैंक तथा वित्तीय सस्थाको खातामा रकमान्तर गर्न, ई–सेवामा जम्मा गर्न, मोबाईल टपअप गर्ने जस्ता भुक्तानीहरुमा सहयोगी हुने बैंकले जनाएको छ ।