काठमाडौं । नेपाली यू–१९ महिला फुटबल टोलीले चीनसँग २ मैत्रीपूर्ण खेल खेल्ने पक्का भएको छ । एएफसी यू–१९ वुमन च्याम्पियनसिप छनोटअघि टोलीले २ मैत्रीपूर्ण खेल खेल्ने पक्का भएको हो । एन्फाका अनुसार नेपालले छुेन्दु प्रान्तको उमेर समुह टोलीसँग खेल्नेछ । मिति चाँडै नै तय हुने एन्फाले जनाएको छ । टोलीका प्रशिक्षक हरीओम श्रेष्ठले खेलअघिको मैत्रीपूर्ण खेलले कमजोरी पत्ता लगाउने सहयोग पुग्ने बताएका छन् ।
छनोटको दोस्रो चरणमा समूह ए मा रहेको नेपालले घरेलु टोली म्यानमार, अष्ट्रेलिया र उज्वेकिस्तानको सामना गर्नेछ । दोस्रो चरणका खेलहरु वैशाख १३ गतेबाट सुरु हुनेछन् । नेपालले पहिलो खेल १३ गते अष्ट्रेलिया, १५ गते उज्वेकिस्तान र १७ गते म्यानमारसँग खेल्नेछ ।
यसअघि थाइल्यान्डमा सकिएको पहिलो चरणमा नेपाल उत्कृष्ट उपविजेतासहित दोस्रो चरणका लागि छनोट भएको हो । त्यसबेला नेपालले भारतविरुद्ध २–० तथा पाकिस्तानमाथि ९–० को जित निकाल्दा थाइल्यान्डसँग ३–० को हार ब्यहोरेको थियो ।
प्रतिकृया दिनुहॊस