काठमाडौं उपत्यकामा सवारी दुर्घटनाबाट हरेक महिना जान्छ २१ जनाकाे ज्यान

चालकको लापरबाही, यात्रुको गल्ती, ओभरटेक, तीव्र गति, मापसे, यान्त्रिक गडबडी, ओभरलोड, छाडा चौपाया, जीर्ण सडकलगायतका कारणले उपत्यकामा दैनिक दुई दर्जनभन्दा बढी सवारी दुर्घटना हुने गरेका छन्।

महानगरीय ट्राफिक प्रहरी महाशाखाको तथ्यांकअनुसार उपत्यकामा सवारी दुर्घटनामा परेर मासिक सरदर २१ जनाको ज्यान जाने गरेको छ। यो खबर आजको नागरिकको काष्ठमण्डपमा हिमाल लम्सालले लेखेका छन्।

चालु आर्थिक वर्षको साउनदेखि माघसम्म सात महिनामा काठमाडौं उपत्यकाका तीन जिल्लामा ४ हजार ८ सय १ सवारी दुर्घटना भएका थिए। जसमा परेर १ सय ५२ जनाले ज्यान गुमाए।