कृषि विकास बैंककोे नयाँ शाखा पालुुङ्ग मैनादीमा र मनाङमा विस्तार

काठमाडौं ।  कृषि विकास बैंककोे नयाँ शाखा पालुुङ्ग मैनादीमा र मनाङमा विस्तार गरेको छ ।पाल्पा जिल्ला रिब्दीकोट गाउँपालिकामा कृषि विकास बैंकको नयाँ शाखा नेपाल राष्ट्र बैंकका गर्भनर डा.चिरञ्जीवि नेपालले औपचारीक रुपमा उद्घाटन गरेका छन् ।

त्यसैगरी, मनाङ जिल्लाको चामेमा रहेको कृषि विकास बैंकको पूर्ण बैंकिङ्ग शाखाको औपचारिक उद्घाटन कृषि विकास बैंक लि.संचालक समितिका अध्यक्ष प्रमोद कुमार कार्की एवं कृषि विकास बैंकका प्रमुख कार्यकारी अधिकृत लिला प्रकाश सिटौलाूबाट संयुक्त रुपमा भयो ।

सेवाग्राही तथा सर्वसाधारण जनताको व्यापक उपस्थिति रहेको उदघाटन समारोहमा विभिन्न राजनीतिक दलका प्रतिनिधिहरु, सेवाग्राही, चामे बजार व्यवस्थापन समितिका अध्यक्ष, सम्पूर्ण सरकारी कार्यालयको तर्फबाट प्रमुख जिल्ला अधिकारी गञ्ज बहादुर एम.सी.ले बैंकको उच्च प्रगतिको कामना गर्दै शुभकामना मन्तव्य व्यक्त गरे ।

कृषि विकास बैंक लि.ले प्रदान गर्ने सेवा सुविधा तथा बैंकको उत्पादनको बारेमा जानकारी गराउंदै आगामी दिनमा स्थानीय जनताको सहयोग भएमा बैंकले थप आधुनिक सेवा सुविधा सहित निरन्तरता पाउने विषयमा बैंकका प्रमुख कार्यकारी अधिकृत सिटौलाले बताए ।