बुद्धनगर सरसफाइ समूहले २०७२ साल वैशाख ५ गतेदेखि सुरु गरेको यस अभियानले निरन्तरता पाएको छ । सांसद मोहन कुमार राई यस अभियानका प्रमुख अभियन्ता हुन् । उनको नेतृत्वमा विद्यार्थी, नेता, खेलाडी, डाक्टर, समाजसेवी र स्थानीय बासिन्दाहरूको सक्रिय सहभागितामा यो कार्यक्रम सञ्चालन हुँदै आएको छ ।

यस अभियानको निरन्तर प्रयासले बुद्धनगर क्षेत्रमा जथाभावी फोहोर फाल्ने प्रवृत्तिमा कमी आएको छ र सडकहरू सफा देखिन थालेका छन्। यो कार्यक्रम समुदायको सक्रिय सहभागिता र वातावरण संरक्षणप्रतिको सामूहिक प्रतिबद्धताको अनुपम उदाहरण हो ।

सांसद राईका अनुसार, ‘यस कार्यक्रममा सबै वर्ग र समुदायका व्यक्तिहरूको उत्साहजनक सहभागिता रहेको छ । यसले हामीलाई अझ राम्रो र सफा बुद्धनगर निर्माण गर्न प्रोत्साहन मिलेको छ ।’

बुद्धनगर सरसफाइ कार्यक्रमले आगामी दिनहरूमा पनि यसरी नै निरन्तरता पाउने र यस क्षेत्रलाई थप सफा र सुन्दर बनाउने विश्वास लिइएको छ ।

तस्बिरहरु :-