नारायणी नदीमा डुङ्गा पल्टिँदा एकजना बालक बेपत्ता

नवलपरासी । नारायणी नदीमा डुङ्गा पल्टिँदा सुस्ताका एक बालक शनिबारदेखि बेपत्ता छन् । पश्चिम नवलपरासी सुस्ता गाउँपालिका –५ पक्लिहवा रतनगंजका कैलाश धोबीका छोरा १५ वर्षीय अनुप धोबी बेपत्ता भएका हुन् ।

साथीहरूसँग नारायणी नदी पारी गएर फर्कने क्रममा नारायणी नदीको ठोक्कर नम्बर ३ मा डुङ्गा अनियन्त्रित भइ पल्टिँदा धोबी बेपत्ता भएका हुन् ।

धोबीसँगै गएका उनका दुई साथीहरू भने पौडेेर ज्यान बचाउन सफल भएका छन् । बेपत्ता भएका अनुप धोबीको खोजी कार्य भैरहेको सुस्ता गाउँपालिका – ५ को प्रहरी चौकी रामनगरका इन्चार्ज राजु पौडेलले बताए ।