कविशिरोमणि लेखनाथ पौड्यालको १३५ औँ जन्मजयन्ती मनाईँदै

काठमाडौँ । कविशिरोमणि लेखनाथ पौड्यालको १३५ औँ जन्मजयन्ती विशेष कार्यक्रम गरी आइतबार मनाईँदैछ । कविशिरोमणि पौड्यालको जन्म भएको दिनको सम्झनामा हरेक वर्ष पुस १५ मा उनको स्मृतिमा विविध कार्यक्रम हुने गरेका छन् ।

विसं १९४१ को पुस १५ मा कास्कीको पोखरा लेखनाथ महानगरपालिकाको अर्घौँ अर्चेलमा जन्मिएका कविशिरोमणिको जन्मजयन्तीको अवसरमा आइतबार उनको जन्मथलोमा विशेष कार्यक्रम हुँदैछ ।

कविशिरोमणिका ऋतुविचार, तरुण तपसी, गंगा गौरीसहितका महाकाव्य, लालित्य कविता संग्रह, नाटक तथा प्रश्नोत्तरसहितका खण्डकाव्य र कविताहरु प्रकाशित छन् ।