‘जानी नजानी’ले रिलिज गर्‍यो पहिलो गीत ‘एउटीलाई मुटुमा घर..’

काठमाडाैँ । जानी नजानी’को पहिलो गीत सार्वजनिक भएको छ । सिनेमाको ‘एउटीलाई मुटुमा घर…’ बोलको गीतमा सिनेमाका मुख्य कलाकार मनिष श्रेष्ठ र सुमी मोक्तान नाचेका छन्।

सार्वजनिक गीतमा संगीतकार अर्जुन पोखरेलको संगीत, अम्बिका शर्माको शब्द तथा संगीतकार पोखरेल र दुर्गा खरेलको स्वर छ । कविराज गहतराज गीतका कोरियोग्राफर हुन्।

सिनेमामा सन्नी सिंह, नम्रता श्रेष्ठ, प्रकाश अधिकारी , कृष्ण भक्त महर्जन, रोशनी केसी लगायतका कलाकारहरु अभिनय रहेको छ ।

रोशनी इन्टरटेनमेन्टको ब्यानरमा निर्माण भएको सिनेमाकी प्रस्तुतकर्ता रोशनी केसी हुन् ।

आधुनिक प्रेमकथामा निर्माण भएको सिनेमालाई थुप्रै सफल सिनेमामा चिफ ऐडीको रुपमा काम गरिसकेका बसन्त अधिकारीले निर्देशन गरेका हुन् । यो उनको निर्देशकिय डेब्यू सिनेमा हो । ‘जानी नजानी’मा मोदनाथ खनाल र सागर काजी माली निर्माताको रुपमा रहेका छन् ।

सामिप्यराज तिमिल्सेनाको कथा, पटकथा तथा संवाद रहेको सिनेमामा सञ्जय लामाको छायाँकन, अर्जुन पोखरेलको संगीत, कविराज गहतराज , प्रविन सिंह र शिशिर खातीको कोरियोग्राफी, अर्जुन जिसीको सम्पादन रहेको छ ।

सिनेमा चैत्र १ मा रिलिज हुनेछ।