काठमाडौँ । नेपालको एक प्रमुख व्यावसायिक समूह, गोल्यान ग्रुपले आफ्नो ६५ वर्षे लामो यात्राको अवसरमा विकास र समृद्धिप्रतिको आफ्नो प्रतिबद्धतालाई नयाँ उचाइबाट प्रस्तुत गरेको छ । समूहले ‘#GolyanForGrowth’ शीर्षकको एक प्रेरणादायी ब्रान्ड फिल्म सार्वजनिक गर्दै नाफाभन्दा माथि उठेर राष्ट्र निर्माणमा खेलेको भूमिकालाई उजागर गरेको छ ।

यो ब्रान्ड फिल्मले कृषि, उत्पादन, रियल स्टेट, आतिथ्य सत्कार र नवीकरणीय ऊर्जाजस्ता क्षेत्रमा समूहको लगानीले कसरी सामान्य मानिसको जीवनमा सकारात्मक परिवर्तन ल्याएको छ भन्ने यथार्थ कथाहरू प्रस्तुत गर्दछ । फिल्ममा सौर्य ऊर्जाले उज्यालिएको गाउँका बालबालिका, आफ्नो उत्पादनले बजार पाएका किसान र उद्यममार्फत आत्मनिर्भर बनेका मजदुरका जीवन्त कथाहरू समेटिएका छन्, जसले समूहको व्यावसायिक दर्शन ‘नेपालभित्रै मूल्य सिर्जना’ लाई चरितार्थ गर्दछ ।

सन् १९६० मा स्थापना भएको गोल्यान ग्रुपले आज देशभर २५ भन्दा बढी सफल व्यवसाय सञ्चालन गरिरहेको छ । ६ हजारभन्दा बढीलाई प्रत्यक्ष रोजगारी प्रदान गरेको यस समूहको वार्षिक कारोबार ४ सय मिलियन अमेरिकी डलरभन्दा बढी छ । समूहले आफ्नो हरेक लगानी रोजगारी सिर्जना, पूर्वाधार विकास र स्थानीय उत्पादन तथा निर्यात प्रवर्द्धनमा केन्द्रित गर्दै आएको छ ।

यस अवसरमा बोल्दै, समूहका प्रबन्ध निर्देशक अक्षय गोल्यानले भने, “यो फिल्म हाम्रो मात्र कथा होइन, यो ती हजारौँ नेपालीको कथा हो, जसको जीवन र प्रयासले हाम्रो यात्रालाई आकार दिएको छ । यो व्यक्ति, समुदाय र राष्ट्रको साझा प्रगतिको उत्सव हो, जसको एक हिस्सा हुन पाउँदा हामी गौरवान्वित छौँ ।”

समूहको यो यात्रा नाफामुखी मात्र नभएर राष्ट्रिय योगदानमा केन्द्रित रहेको कुरा उसले पाएका विभिन्न सम्मानले पनि पुष्टि गर्दछ । समूहले आफ्नो ६५ वर्षे यात्रामा ‘व्यापारिक रूपमा महत्त्वपूर्ण व्यक्ति’ उपाधि, उत्कृष्ट निर्यातक, उत्कृष्ट रोजगारदाता र औद्योगिक सम्बन्धमा उत्कृष्टता जस्ता दर्जनौँ पुरस्कार तथा सम्मान प्राप्त गरिसकेको छ । यो यात्राले गोल्यान ग्रुपलाई एक व्यावसायिक घरानाबाट राष्ट्रिय विकासको एक प्रमुख साझेदारको रूपमा स्थापित गरेको छ ।