काठमाडौं । लक्ष्मी सनराइज क्यापिटलले सञ्चालन गरेका दुई म्युचुअल फण्ड कम्पनीले आकर्षक लाभांश घोषणा गरेका छन् । सनराइज ब्लुचिप फण्ड र लक्ष्मी भ्यालु फण्ड–२ को लाभांश घोषणा भएको हो ।
सनराइज ब्लुचिप फण्ड यो वर्ष इकाईधनीलाई १९ प्रतिशत लाभांश दिने घोषणा गरेको छ । त्यस्तै, लक्ष्मी भ्यालु फण्ड–२ ले १५ प्रतिशत लाभांश दिने निर्णय गरेको छ ।
म्युचुअल फण्डको लाभांश फण्ड व्यवस्थापकले निर्णय गरी वितरण गर्न सक्छन् । यसको जानकारी मात्रै दोस्रो बजार तथा नियामक नेपाल धितोपत्र बोर्डलाई दिनुपर्ने व्यवस्था छ ।
गत आर्थिक वर्षमा नेपाल स्टक एक्सचेञ्ज परिसूचकमा सुधार देखिएकोले म्युचुअल फण्डको लाभांश क्षमता बढ्दै गएको छ ।
तपाईंको प्रतिकृया
