वार्षिकोत्सव पारेर सिभिल बैंकका कर्मचारीले गरे रक्तदान

 वीरगंज । सिभिल बैंकले ८ औं वार्षिकोत्सव पारेर रक्तदान कार्यक्रम गरेको छ ।

वीरगंज स्थित महावीर शाखा कार्यालयमा आयोजित रक्तदान कार्यक्रमको बैंकका क्लस्टर हेड दिपक कुमार श्रेष्ठले उद्घाटन गरे । कार्यक्रममा १ सय जनाले रक्तदान गरेको  बैंकका शाखा प्रवन्धक सन्तोष साहले जानकारी दिए ।

कार्यक्रममा लियकत अली, रोशन कलवार, कामेश्वर पटेल, भरत कुमार श्रेष्ठ, विशाल रिजाल, टिंकु कुमार रौनियार, सुरज खडका, धर्मेन्द्र चौरसिया, राजबाबू रौनियार, शेख फिरोज लगायत सय जनाले रक्तदान गरेका छन् । कार्यक्रम रक्त सञ्चार केन्द्र वीरगंजको प्राविधिक सहयोगमा सम्पन्न भएको हो ।